創興銀行（1111）創辦人廖寶珊家族第三代成員廖偉芬（Jennifer）係咖啡連鎖店老闆，其中一個品牌The Coffee Academïcs最近喺灣仔開分店，仲搞新意思，引入一種叫做orange honey Geisha嘅咖啡豆，Geisha呢隻咖啡豆相當罕有，聽聞喺外國普通一杯要賣600至700元。
今時今日，咖啡店多到拍得住便利店，要突圍而出認真唔易，Jennifer有嘅係財力，今年就不惜工本，將每年產量只得100磅嘅orange honey Geisha，以拍賣形式成批買晒返嚟，放喺新店，矜貴到暫時唔賣，要參加佢哋嘅品味咖啡班先有得飲。
新店就有一個類似試酒會嘅場地，畀咖啡愛好者參與品味咖啡班，價錢未定。仲有一部全港獨有嘅咖啡機，話沖出嚟嘅咖啡口感特佳，部機盛惠25萬元。陳豪唔知要唔要衝去試試。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange