今屆英國志奮領獎學金，送咗兩位年輕泛民去英國讀書，包括職工盟組織幹事胡穗珊同公民黨總策劃幹事歐陽志飛。早排英國駐港總領事吳若蘭約咗各個獎學金得主見面，祝賀佢哋攞到獎學金去英國讀書。聽胡穗珊講，吳若蘭喺會面上宣佈好消息，明年嘅志奮領獎學金會加多啲名額，令更多港人可以去英國深造。
吳若蘭又喺會面上話，自己學緊廣東話，例如講咗「冇問題」，同大家拉近距離，大家都覺得佢幾親民。胡穗珊話，今次佢會去華威大學攻讀性別與國際發展，回港之後打算從事吓促進婦女就業嘅崗位，所以未來一定會再喺勞工議題上，再同大家見面。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange