【未有方向】
今年是利豐「三年計劃」中的最後一年。由於利豐去年業績太差，主席馮國綸在今年3月就首次宣佈放棄「三年計劃」目標。不過，利豐明年初就會推出新「三年計劃」，原本市場期望可在今次中期業績先了解大概方向，誰知馮國綸坦言「未開始諗新計劃」，因為早前要集中火力重振業務。
撐收購模式無問題
馮國綸表示，現在討論新「三年計劃」是言之過早：「我們過去大半年都在專心搞番好2013年的表現，都未得閒諗新計劃，下半年我們先會開始研究。」
利豐以往「靠平錢作大量收購」來谷增長的經營模式，市場已開始質疑其可持續性，更擔心會為利豐帶來很多「消化不良」的後遺症。
不過，馮國綸就力撐收購模式「無問題」，新「三年計劃」肯定會繼續收購。「市況低迷，街外仍有很多平價的好機會，只是我們今年要搞好LF USA先，但模式是無問題，我哋會繼續。」
至於有券商質疑利豐未來沒有甚麼增長動力，馮國綸就反駁：「我唔認同，歐美呢幾年的市況低迷，喺唔正常的情況，未來出口復蘇，對採購業務來說有好大空間。我哋今個三年計劃亦開拓了亞洲市場，亦係好好嘅平台讓我哋未來發展。」
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24