「體操王子」李寧嘅生意原來唔再局限喺運動服同地產，仲靜雞雞做埋水泥。
李寧三年前買入非凡中國（8032），揚言要發展住宅、優閒、體育三者結合嘅項目，又話計劃發展瀋陽工業園同生態城。三年下來，地產項目冇晒影，不過公司喺瀋陽的確有個廠房，舊年仲無聲無息咁租咗畀人生產預製混凝土產品，租約舊年底到期。
唔知係咪覺得有得搞，非凡中國喺剛公佈嘅中期業績透露，個廠唔再租畀人，留嚟自己用，上季開始自行產銷預製同經玻璃纖維加固嘅混凝土產品，已有480萬收益㖭；公司期望，呢個技術可以為體育園同體育社區開發作出貢獻。
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24