【東北爭拗】
政府去年對逾300公頃的新界東北發展計劃表示會採用傳統新市鎮發展模式，以免惹來官商勾結的嫌疑。惟政府最終決定改為容許持份者透過原址換地，令早年以平價囤積農地的地產商齊齊「有得玩」！政府即時惹來外界抨擊，被指臨時改變遊戲規則，是為了「暗渡陳倉」向發展商輸送利益。
換地時間嫌太短
梁志堅則反駁指，現時無論政府有任何計劃亦會有人提出反對。他認為只要施政合理，政府面對反對聲音亦應「去馬」，「如果吓吓驚住官商勾結呢，你以後都唔使做喇！」他更直指現時政府官員做事「驚青」，欠缺「官商勾結」的「吉士」，「𠵱家你估真係仲有得畀你官商勾結？做嗰個驚，政府負責嗰個又驚。」惟一直關注新界東北發展的土地監察主席李永達卻反指，「就算唔係官商勾結，成個政策都係傾斜咗落地產商度，你又唔見梁志堅支持用番傳統模式發展？」
另外，梁志堅指發展局局長陳茂波，在公佈新界東北計劃之後向地建會簡介規劃藍圖。他認為政府在換地計劃上設下重重關卡，除地盤不得少於4,000平方米（約4.3萬方呎）外，整個洽商換地過程時間亦較短，難言是否明益發展商，「（傾換地）年幾點做箒，淨係傾補地價，最叻都要一年半載，唔係出咗補價，我即刻接受到㗎嘛。傾唔掂，到限期政府就埋嚟買你喇。係咪益咗都唔知，所謂益唔益，都係睇整單嘢嚟計。」
新界東北新發展區可發展的用地佔約330公頃，而私人持有土地約有162公頃。當中30%的私人土地，將會被劃作私樓或商業發展，並容許發展商在符合一定條件下作出換地。
據本報翻查資料發現，現時在東北發展區內的私人土地幾乎由恒地（012）、新世界（017）、長實（001）及新地（016）等幾個大型發展商所壟斷。李永達指，「小農戶根本冇可能有4,000平方米，即係話佢哋都要迫住賣畀地產商。」對於梁志堅指政府在換地條件上設下關卡，李永達指「起碼我到𠵱家都睇唔到有地產商行出來反對呀！」
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24