【公司專訪】
政府自去年起推出三道壓抑樓市的緊箍咒，作為「受害者」之一的會德豐（020）副主席梁志堅（人稱堅叔）直呼，「呢半年都唔係好好景！」惟他認為政府無意打冧樓市，故對集團今年所定下的賣樓大計仍充滿信心，並認為在商業物業銷售的扶持下，「到今時今日我都認為可以達到標，賣番我哋100萬平方呎樓面出去！」
記者：林志光 吳永強
面對政府恐嚇隨時再加辣及現時超低息環境難以長期維持的陰霾下，會德豐繼續積極搶地，今年上半年已斥資逾76億元掃入三塊地皮。梁志堅表示「未驚過」，心中亦早已算清楚，「我哋實際上唔係勇……一定要諗吓賣唔賣到出去？賣到咩價錢？幾方面都要睇清楚。」，他又認為集團所購入的地皮絕非多餘，「我哋係有呢個需要，要increase我哋個land bank（土地儲備）。」
建築成本增 樓價難跌
會德豐上月再成功以「筍價」約36.71億元摘下將軍澳臨海地皮，成為區內最平的臨海地。加上華懋6月底又以超低價投得同區地皮，令市場憧憬地價有回落趨勢，更有望進一步「扯低」樓價。惟梁志堅卻不表認同，「唔知咩為之高位，咩為之低位，總言之每次我哋每次都係跟個市價去落標。有啲話我哋係平價執番嚟……最高係高幾多呢？係咪高10蚊？高100蚊？定係幾多呢？好難估，你話低，我比上次華懋仲高咗添！」他更指在建築及人工成本飛漲的情況下，房委會資助房屋小組主席黃遠輝早前指希望政府的「辣招」可令樓價回落兩成，根本無法實現。
曾經一段長時間缺乏熟地發展的會德豐，慘被貶為中小型發展商。雖然前數年也積極參與勾地，可惜當時公司對樓市睇法過於保守，往往跟勾出地皮都擦身而過，錯失吸納不少靚地的機會之餘，更白過了2004至2012年間的樓市兩個大升浪。因此，會德豐2012年初重金誠邀堅叔主掌物業發展，便是欲借助其豐厚經驗，勢要令公司重新振作。
去年至今 投得六幅地
堅叔亦不負厚望，公司由去年至今，已斥資近152億元，從政府手中，投得6幅商住及住宅土地，可建樓面涉逾310萬方呎，單是今年首七個月所投4幅地，樓面已達219萬方呎。另又從私人市場吸納市區舊樓發展，如先後斥資共逾8.6億元，購入筲箕灣福仁大廈及恒生西灣河大廈兩地盤合併發展。
賣樓方面，今年預計可出售的樓面逾160萬方呎，上半年除貨尾住宅單位及拆售中的荃灣有線電視大廈外，4月份以45億元出售觀塘One Bay East其中1幢樓花商廈予宏利金融。下半年將集中籌劃推售3個住宅物業，以及視乎市況推出One Bay East另1幢樓花商廈。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange