之前參加發夢比賽輸個馬鼻嘅「超班」，咪睇佢個樣好似性格爽直，其實脾氣鬼咁臭，有二五話畀關仁知，超班未出名前冇乜人識，好少時裝店肯借衫畀佢着，其實大家都知呢行跟紅頂白，如果咁都唔開心就真係唔化囉，偏偏大小姐脾氣嘅超班，就係一個唔化嘅人，𠵱家佢叫做出咗少少名，佢已經三分顏色上大紅，有次時裝店借衫畀佢，佢唔止整爛咗件衫唔還錢，態度仲差到爆，件衫嘅胳肋底位仲要留有臭狐味，結果俾時裝店列入黑名單，以後都唔再借衫畀佢。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！