證監會打老虎越打越勇，市傳證監會CEO歐達禮最近放風，將會主動出擊調查有可能出事嘅上市公司，咁點先為之有可能出事呢？咪就係經常換核數師、換CFO同埋特多關連交易等等。港交所（388）過去三年換咗三個CFO，係咪應該首當其衝呢？
港交所2000年上市，至今有六位CFO睇數，前三任張國偉、李潔英同詹德慈加埋做咗10年。但自從李小加三年前加入港交所做CEO之後，至今已經換咗三位CFO，黃森暉做咗超過一年，馬超就半年貨仔，由前證監會COO簡俊傑今年5月正式接任CFO。
呢種情況發生喺藍籌真係好罕見，可能市場覺得港交所盤數好簡單，主要跟住大市成交、新股上市數目走，CFO換得幾咁頻密都無所謂，李小加亦懶得詳細交代，但呢個情況完全符合證監會要調查嘅條件囉。
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24