體育股幾年前盲目擴張，不斷批發賣貨出街，完全唔理零售渠道消唔消化到，最終谷到爆煲。最灰的時候，海迪曾聽過一班分析員認真地討論要唔要drop晒呢個sector，認為呢堆公司無得救。點知轉眼間，市場已經開始玩炒復蘇。其前任王者李寧（2331）究竟可唔可以死過翻生，最惹關注。
李寧最新業績，如扣除回撥影響，半年蝕4億人仔，齋睇盤數簡直爛爆。但有熟悉業界的朋友提醒海迪，李寧第二季已有40%銷售喺靠補貨得來，公司甚至可按市場反應立即設計新產品。呢種模式，有別體育股以往齋靠每季訂貨的做法，加入咗fast fashion元素。相比起安踏（2020）無點調整過經營模式，只係cut單等補貨的做法，李寧改革方向更可取，如果成功，會一舖響朵，未來有排炒。李寧天價贊助CBA籃球聯賽、簽NBA球星Dwyane Wade，轉型改革、聘請高管，樣樣都係錢。李寧下一步係要說服投資者，如何在新營運模式底下仍然係make economic sense。
海迪
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange