（喜）皇家馬德里翼鋒基斯坦奴朗拿度（右）以前都幾囂張，都得罪唔少人，不過人大咗亦都識發財立品，好似球隊完成美國之旅後，C朗為咗多謝一班隨隊職員，自掏腰包買咗30部手提電腦送畀佢哋；其實上年佢已經買咗11部iPad，今次仲加碼㖭！話時話，西班牙《阿斯報》仲話，C朗同皇馬已經達成續約協議，9月可以正式完成，C朗一舉成為全球第2高薪足球員，又點會計較區區30部手提電腦嗰筆錢。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange