警察蹺埋雙手任由市民俾人打，民主黨南區四位區議員決定要同班差佬「絕交」。四位「乳鴿」包括柴文瀚、區諾軒、羅健熙、徐遠華，佢哋嘅聯合辦事處噚日宣佈，暫停所有同香港警務處喺西區嘅交流、宣傳同典禮活動（圖），直至警方公正處理周日天水圍示威人士被毆打後，在場警員冇即時拘捕涉案者事件。柴文瀚話，「絕交」行動要宣洩對警方助紂為虐嘅不滿，噚日已通知同警方「斷交」，即日停咗冇同警方落去華富商場派單張。阿柴話，行動只係局限於南區，未知其他地區或者立法會議員會否加入。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange