康宏理財（1019）主席王利民出名鍾意着衫着到花呢碌同埋跑步㗎箒，原來執垃圾佢都好掂！
康宏一支為數30人嘅義工隊上周六搞咗個沙灘執垃圾活動，一朝早9點半去到石澳後灘，鬥執垃圾，分幾隊人鬥執得多、執得重之類，執到中午。王利民當然又係盛裝出席，桃紅衫襯桃紅褲，仲真係身水身汗落力執嗰種，唔係齋企喺垃圾旁邊影相。
聽聞佢哋喺沙灘執到好多估唔到嘅嘢，包括鞋墊、行山背包、運動褲、爛雨傘，發泡膠粒、膠樽、汽水罐已經算係等閒。大家真係要有公德心，愛護沙灘呀。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange