立法會唞暑，唔少議員都趁機外遊叉吓電，好似「西環契仔」謝偉俊（Paul）就同白姐姐啱啱去完黑海、土耳其一帶玩足三星期，白姐姐話當地好多靚女，阿Paul睇到眼定定，仲搵人合照㖭。當然，有白姐姐一齊贒，阿Paul都唔敢作反啦。噚日阿Paul上去OurTV網台節目接受民主黨卿姐訪問，白姐姐又化身跟得夫人旁觀錄影，認真恩愛。阿Paul喺訪問自言同中聯辦關係良好，不過喺議會投票冇受人左右喎。講到政改，做過功能組別議員嘅佢當然肯定功能組別存在價值，但認同呢個制度喺香港落實得唔好，又話相信中央都想畀香港普選作為「實驗室」，問題係作為特首嘅梁振英唔去爭取，「吓吓等阿爺發落」，所以不但普選，就算其他政策亦常常錯失先機囉。
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24