菲菲噚日同本欄鄰居高明吹水，講開歐洲車同日本車嘅分別。點知高先生突然爆一句，「你見到日本車，梗係唔好上啦，仲要同車主講，我寧願搭巴士，起碼係歐洲車。」
先多謝高明咁睇得起菲菲，深信小女子車見車載。不過如果要堅守呢個原則，咁咪連豐田的士都冇得坐？
的確大部份人對歐洲車係有情義結嘅，尤其是強國人。中汽協最近公佈，7月份為汽車銷售的淡季，所以乘用車銷量按月跌12%至124萬架，按年就錄10.5%升幅，算係唔錯。
強國冇錯係打貪，但單係睇各大德國車最近的銷情，影響又未算好大。
德國嘅品牌增長強勢，市佔率已進一步提高到21.4%。而一哥Audi同死對頭寶馬，7月內地銷量按年分別增27%及39%，數字非常靚仔嘅。
相反中國品牌乘用車銷售只佔7月總銷量35.2%，市佔率係08年以來最低。
呢條數反映咗，強國人依然對德國車情有獨鍾，對專賣歐洲車嘅華晨（1114）算係一支強心針。華晨今日公佈業績，如果交到數，相信有望挑戰2月高位11.4元。
Fifi
本欄逢周二、四刊出
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24