【灣仔】余文樂因為拍咗彭浩翔兩套講食煙嘅電影《春嬌與志明》同《志明與春嬌》，飾演煙民志明喺電影圈闖出條血路，佢演得咁入型入格都因為佢係正宗煙鏟一名。前日佢一身悠閒打扮同位男性友人，去咗灣仔一處潮服店林立嘅地方買衫，當佢睇完第一間之後，就同男友人急步行咗去架七人車後面，好熟練咁攞咗支煙出嚟點，徐徐呼出煙圈。食完煙再行多兩間店，唔少店員同老闆都走出嚟同佢打招呼，睇嚟佢都係熟客仔一名。
採訪、攝影：羅德光、朱志聰
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！