現年22歲的鄧紫棋（G.E.M.）總覺得已出道甚久，雖然近年轉型做Rock妹，但不能否認樣子甜美的她依然很入屋，總算唱得睇得。適逢Maybelline推出全新睫毛液，並找來G.E.M.示範，化妝後當堂變大幾歲，似乎要向真女人進發，拉近與男友的距離。
出道5年，經歷了樂壇的洗禮，但樣子依然Keep得到，青春真好。前陣子因配合歌曲，連造型也加入了不少搖滾味，如經常以Smoky Eyes示人，所以特別注重眼妝的配合。「上台演出我會強調眼部的輪廓，除了畫眼線和眼影外，都一定會用睫毛液，但我個人超怕睫毛液太多，令睫毛結粒，好似曱甴腳咁，哈哈。」所以，Maybelline最新推出的睫毛液，具有防結粒順滑掃頭，讓睫毛能造到乾淨分明和濃密的感覺。原來，睫毛液對G.E.M.來講都係佢日常妝容必備的用品，「平時出街就算淡妝都至少搽一搽Mascara，簡單地讓眼睛有神。」不過，青春少艾成日黑沉沉好悶啫，G.E.M.就話好在近期玩嘅歌會混合一些Fusion元素，造型也開始傾向Vintage，至少眼妝都會加多些顏色！
記者：胡靜雯 攝影：黃子偉
化妝：Dora Chan 髮型：Freddy Chiu
Maybelline（3101 0342）
Step by step
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange