（哀）俄超球會安治喺幾年前突然暴富，喺兩年前以世界最高人工簽咗伊度奧（圖）更係哄動一時。不過安治有財力，但踢咗幾季成績都係麻麻，連歐聯都未參加唔到，加上據講老闆基利莫夫最近蝕大錢，決定要大減球會預算同出售貴價球員。可能伊度奧見勢色唔對，已經做好跳船打算，要求球會可以畀佢免費離隊，兼大賣口乖話想加盟拿玻里。鬼咩，伊度奧就算肯減薪，人工都唔會平得去邊，如果仲要畀轉會費，仲點會有球會肯簽佢。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange