一唱成名嘅平機會主席周一嶽，原來細細個已經立志做歌唱家。佢噚日出席東華三院一個活動，為咗勉勵有讀寫障礙嘅小朋友，自爆小學六年默書一直都得零雞蛋。咁點解周醫生又入到尖子爭崩頭嘅醫科呢？原來古文讀唔入腦唔緊要，「我唱幾百首歌又記到歌詞」，於是用「唱出嚟」嘅方法去讀書，佢仲話︰「我想做歌唱家，但係得半桶水，結果去咗做醫生囉。」
前環境運輸及工務局廖秀冬喺同一活動上話自己細個有讀障，會調轉中文字嚟寫。其實佢喺05年已自爆過一次，噚日就話好感激小學老師，當年「調轉寫都當啱」，保存佢嘅自尊心。而東華就同恒生搞咗個免費計劃，幫助本港讀障學童。三年級嘅Alan參加之後由英文默書零蛋，變成80幾分㖭！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange