【經驗不拘】
理文造紙（2314）李文斌6月1日正式接任行政總裁一職，他坦言升職後壓力大增，「要睇晒成間公司，唔衰得！」雖然剛踏上行政總裁這個「權力寶座」，但他卻表示要「放權」，並計劃聘請大批無造紙經驗的新人來幫他「打江山」。
要聘港人做經理
李文斌父親李運強於5月底辭任理文主席一職，他與哥哥李文俊正式成為集團「話事人」，雖然李文斌與哥哥合作多年，對行業前景看法亦一致，但李文斌坦言做行政總裁好大壓力，「我負責做生產同銷售，哥哥負責做會計賬目同原料採購，以前仲會直接落廠睇住，𠵱家真係冇時間。」
升任行政總裁後，李文斌反覺得要放權讓更多下屬接手，「公司有18部紙機，每部打電話去問5分鐘，都成百分鐘（90分鐘），如果有問題又要鬧吓幾分鐘，加埋咁多時間，咁全日唔使唔做其他嘢啦！」他表示要請香港人擔任經理，只要高學歷無工廠經驗也可。
年僅32歲的他鼓勵年輕人入行，「其實返大陸做廠幾好，有員工做咗5、6年，人工由3萬港紙升至7、8萬人民幣！」
李文斌指，回內地工作前要先解決生活、家庭及感情問題。他透露，每年都有辦教學團到理文內地工廠參觀。
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24