噚晚播出嗰集《星夢傳奇》主題係「團結」，由「巨聲幫」火拼「星夢隊」。高分王鄭俊弘（Fred）同許廷鏗合唱《青春頌》，兩人同台較量，結果獲四位評判肥媽瑪利亞、陳奐仁、恭碩良（Jun）及倫永亮高度評價，而Fred以178.3高分，繼續蟬聯「高分王」寶座。肥媽大讚佢哋有一個好好performance，又話佢哋喺呢集演出，係肥媽今年內睇到最好嘅表演；倫永亮亦激讚兩人係最佳拍檔；至於Jun就讚許廷鏗成功帶到Fred去另一個層次。張文采男友羅鈞滿邀請李璧琦合唱《日與夜》，表現尚算平均，羅鈞滿被倫永亮讚歌藝大有進步，台風亦有所改進，只係兩人和音部份有瑕疵。
林子博搵嚟已出局嘅張景淳唱《最佳損友》，惡鬥巨聲幫嘅謝東閔、陳國峰及吳業坤合唱嘅《命硬》，結果早已出局嘅景淳表現輕鬆好多，Jun認為佢哋唱和音部份稍欠新意。最大缺點係拉開支咪唱，肥媽笑言：「你估以為係我咩？拉開支咪怕走音，撞鬼你呀﹗我個肺容量好大呀﹗」
姚兵就唱韓雷嘅《男旦》，呢首歌係融入京腔同流行曲元素，評判對佢評價不一。肥媽大讚佢有音樂感同好協調，畀人舒服感覺，不過恭碩良竟然話覺得聽呢首歌時，似睇緊鬼片，司儀同其他評判都話本身首歌係咁。覺得呢首歌將京腔混合流行曲元素，兩溝得唔好，仲話姚兵一係京腔到底，一係就流行曲到底，肥媽即寸恭碩良：「咁即係你少聽啦，你係中國人，聽多啲中文歌，我買張宋祖英專輯畀你啦﹗」
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24