【本報訊】全港碩果僅存售賣賽鴿的鴿舍隱藏在觀塘仁信里，重建在即，鴿舍東主梁錦洪最終被迫遷往旺角園圃街雀鳥花園繼續經營，但落戶雀仔街，政府禁止他再出售賽鴿，意味香港最後一間鴿舍將成為歷史。梁錦洪感嘆重建令他滅亡，「重建諗住有生機，原來喺滅亡！重建根本喺惡夢，我諗起都驚。」他今日前往立法會申訴部，要求政府能豁免讓他繼續售賣賽鴿。
30幾年來，梁錦洪經營的「國際鴿舍」以售賣賽鴿、鴿糧及賽鴿用品為主，店內也兼售觀賞鳥。當年鴿舍獲環境保護署豁免，才能令鴿舍生存至今，成為全港唯一一家。受觀塘重建影響，鴿舍可獲市建局賠償約11萬元，但要求梁錦洪本月16日參與食環署的競投，租用雀鳥花園的空置檔位，「佢叫我一定要出去投，如果唔投就咩都冇。」
遷雀仔街禁售賽鴿
他競投的雀仔街檔位租金每月3,350元，高其他檔位逾倍，「唔畀我繼續賣鴿，賣一包飼料賺1蚊幾毫，呢度70幾檔，人哋千幾蚊租，熟客又多過我，我憑咩同人哋爭，我到底要賣幾多包飼料先夠交租？我仲有幾個細路仔要養，咁我點算？」
鴿舍遷往雀仔街，不能再出售賽鴿，梁錦洪畢生心血化為烏有，近百隻白鴿只能保留約20多隻，「監平監賤賣出去，賣唔出睇吓點處置佢囉！」他質疑政府以白鴿要「放飛」理由，不再豁免他售賣白鴿，「大佬我都要搵餐食，79年到𠵱家都冇放過白鴿。」他慨嘆，重建後香港賽鴿成為歷史，「最後一檔睇嘅白鴿都無，搬去雀仔街即正式滅亡。」
食環署回覆，指已安排仁信里鴿舍透過圍內競投方式，租用雀鳥花園的空置檔位，但因賽鴿需要放外飛行，有接觸野鳥風險，一旦感染禽流感或其他病毒，影響雀鳥花園其他檔位內的玩賞雀鳥健康。為保障公眾及動物衞生，不接受租用雀鳥花園空置攤檔售賣白鴿。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange