【拆局】
一宗粗口爭議，竟提升至教育局跟進的層次，有政府中人昨聽到梁振英要求教育局局長吳克儉就林慧思風波交報告時大感譁然，質疑梁振英此舉「好蠢」，因一旦處理失當、政府肯定再失民心。
據了解，眼見為數眾多的家長認定無論是否為公義，為人師表的林慧思講粗口確實於禮不合，致令梁振英基於有關「民意」，所以「玩鋪勁」，力爭家長的支持。
「咁同自殺有乜分別」
有官場中人對梁的「柯打」嘖嘖稱奇，指政府在林慧思事件中理應置身事外，由建制派的民間力量「搞掂」，偏偏梁卻因為「抽水」爭民意而走入漩渦，難怪有官員指：「仲要係俾吳克儉去搞，咁同自殺有乜分別？」
也有政界中人指，政府如此高調介入有反效果：「有啲原本覺得林慧思撐唔落、但又反梁振英嘅人，都會有位反擊政府，因為政府咁樣好似小事化大兼大蝦細。」
據了解，「硬食」有關任務的教育局，或會建議由教育人員專業操守議會跟進。消息稱，此建議跟進方式好處之一是毋須由教育局做裁判，同時可望令林慧思轉趨低調，淡化爭議。
《蘋果》記者
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange