莫耶斯首度捧盃！英格蘭社區盾周日在倫敦溫布萊舉行，上季英超冠軍曼聯，憑前鋒尹佩斯上、下半場各建一功，以2:0擊敗上季英足盃冠軍韋根，新任領隊莫耶斯嘗到入魔後首個錦標。
曼聯季前賽戰績反覆，上周五里奧費迪南紀念賽也主場不敵西維爾，新任領隊莫耶斯的領軍能力備受質疑，加上與前鋒朗尼的關係陷僵局，就算今仗面對降班至英冠的韋根，紅魔臨場飛數竟出現大幅度轉冷，足智彩「讓球」盤曼聯更由讓球半/兩球，一度轉盤為讓一球/球半。
一如賽前公佈冇朗尼
曼聯正選陣容沒有大問題，一早已公佈不會上陣的朗尼，與拿尼、艾舒利楊格均缺陣，前鋒組合由尹佩斯與韋碧克擔任，新兵韋費特沙夏擔任右翼。由哥尼接任領隊的韋根，尚維持不少上季人腳，包括馬隆尼、賓屈臣等均正選，新兵格蘭荷特及占士麥堅恩等亦正選上陣。
紅魔只花6分鐘已先開紀錄，左後衞艾拉傳中，尹佩斯乖巧地頭槌頂入死角，攻破由土超貝沙回流的韋根門將卡臣十指關。曼聯進攻流暢性仍有待改善，然而靠個人質素仍控制戰局。韋根攻力疲弱，只靠中鋒格蘭荷特利用身高優勢，向曼聯後防施予壓力，但上半場球隊竟無法取得射門。
曼聯近4季3奪社區盾
換邊後曼聯擴大比分，59分鐘尹佩斯禁區頂勁射，省中對手後衞白治改變方向，領先至2:0。韋根之後換入上季一鳴驚人的卡林麥馬拿文，但始終沒有大太起色，如非轉穿25號的路爾斯華倫西亞，右路勁射僅斜出，曼聯更不止兩個入球。紅魔終憑尹佩斯梅開二度，以2:0擊敗韋根，領隊莫耶斯取得首個錦標，也是曼聯近4季第3度捧走社區盾。曼聯英超開咧戰將作客史雲斯。文：牽牛
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24