無綫劇集《情逆三世緣》演員昨日在高溫下於大埔林村宣傳，歐陽震華（Bobby）和關詠荷分別以包青天及古裝造型亮相，眾演員在樹下拋吉祈福，希望收視高開。
Bobby初時口響希望聯同myTV收視可達44點（約282萬觀眾），之後他笑言：「34點（約218萬觀眾）啦，演員報價都大啲。」面對收視高企的《衝上雲霄II》，Bobby說：「希望手拖手一齊衝線，叨吓佢哋光。」
大熱天時扮包青天，Bobby身水身汗說：「我底橫都濕埋，希望收視都一樣盤滿缽滿，多水又多汁。」拍檔關詠荷表示收視好會親手製作t-back給Bobby展現觀眾眼前。對於收視，關詠荷坦言望追貼《衝II》，還說：「我哋冇咁多花臣，實牙實齒，但有內斂激情。」她又透露近日被傳媒緊貼追訪，更目睹傳媒車輛衝紅燈，呼籲大家小心為上。
採訪：卓寶花
攝影：仇志德
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！