理文造紙（2314）大股東李運強一家係賽馬圈嘅大馬主之一，經常現身馬場支持佢哋家族嘅「包裝系」愛駒。細仔李文斌（Edmond）亦不時喺公開場合大談馬經，Edmond早前接受華華訪問時再教大家點揀靚馬。
Edmond以個人同團體名義分別持有「包裝動力」同「喜喜精神」，所以經常出入馬場，仲會接受賽馬會訪問，講解吓佢隻馬嘅比賽表現同心得。佢話，買馬好考眼光，唔一定貴就係好馬，當揀中一隻好馬嘅滿足感係好大！
佢認為，買馬唔使睇毛色，毛色只係臨場嘅表現，「最緊要睇吓佢隻腳有冇太彎，但直都唔代表好，要少少彎先得，又要睇吓跑姿靚唔靚，如果行路拐吓拐吓咁都唔掂！」此外，黑馬同白馬用嚟賽馬都冇分別，佢就特別鍾意英國馬，因為適合跑長途。
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24