【本報訊】中國人愛揸靚車「晒命」，為拓展內地市場，再有豪華汽車落實國產。日產旗下豪華房車Infiniti主席Johan de Nysschen接受訪問時透露，與東風（489）合資工廠最快明年投產，初期年產量約兩萬部，並逐步增加。
雖說是日本品牌，但Infiniti走歐美高檔路線，車價動輒逾六、七十萬。為加快滲透中國市場，公司年初宣佈，與內地最大車企東風合作，在湖北省襄陽市建廠生產。
Johan指，生產線最快明年投產，初期年產量約兩萬部，「生產兩款新車，廠房設計可容易增加產能」。他對「Made in China」的產品質素有信心，「如果我哋擔心，就唔會同佢（東風）簽約啦」。
中港明年售混能車Q50
內地經濟增長放緩，不過Johan仍視中國為最重要市場，「人口多、地方大，就算只得7%增長，仍好過德國增長15%」。公司正計劃把內地經銷商數量，由現時約60間，增加至明年80間，大部份集中在二線城市，「今年銷售增長肯定有10%以上，跑贏市場」。
過去廿多年，Infiniti紮根美國，去年5月突然把總部遷至香港，正為了打入亞洲及中國。Johan指，在北京的設計中心，正研究「中國版」新車，「歐洲車主講性能、車型外貌偏保守；但中國車主要求舒適，接受大膽設計」。
今年5月起，公司首次在香港成立陳列室，至今售出約50部新車。Johan透露，新款混能車Q50近日在美國正式發佈，當地入門版車價約3.7萬美元，香港及中國地區最快明年初有售。
對於美國掀起電動車熱潮，但Johan指，暫時把研究火力集中在混能車上，「既符合能源效應，又可滿足車主駕駛樂趣」。他補充，母公司日產是世界上「數一數二」電動車生產商，長遠有助開發產品。
Infiniti另一個廣為車主熟識的原因，乃作為F1紅牛車隊主要贊助商。對此Johan感到相當雀躍，「新加坡都可以搞F1，點解香港唔得？呢個名（F1）絕對係超級名牌！」他坦言曾向有關部門反映訴求，並透露將於10月時，邀請品牌代言人、著名退役F1車手古達訪港。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange