狼英噚日落區搞到天水圍大亂，唔少區外人士入嚟湊熱鬧。泛民人士、喺香港生活咗25年嘅居港前美軍Bob Kraft都有嚟睇，係場內場外唯一嘅外國人，點知竟然俾左仔批評佢係「走狗」。不過，阿Bob好大方咁話，如果自己係走啱方向嘅一條狗，唔介意做狗㗎！
噚日由大埔特登走入嚟天水圍嘅Bob，希望睇吓示威、集會有幾民主。佢話雖然市民喺場內、場外有言論自由，但噚日現場整個佈局，大量警察、鐵馬佈滿封鎖線，普通市民根本唔想入嚟，聲音全部一面倒，其實對政府聆聽民意冇幫助。噚日有唔少金毛撐狼英，社民連示威者都變成弱勢社群，一度要走上警車，受警察特別保護呀，睇嚟警察都有嚴正執法喎。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange