【互惠互利】
內地造紙業自金融海嘯後仍處於產能過剩的困難時期，不過，理文行政總裁李文斌認為，在內地經營廢紙回收仍然是盤不錯的生意，大約6年前，就曾借過錢給部份前員工做廢紙回收，「50萬就可以開到檔！」
可直接供貨予理文
李文斌又透露，打本給舊員工做廢紙回收生意，其實是幫他們賺多點錢，「有啲跟咗好多年嘅員工，以前搵5,000蚊，𠵱家當佢搵一萬，但都唔算多。咁不如借錢畀佢哋做生意，30萬檔錢，兩日貨錢要10至20萬，即係50萬就開到檔，佢哋搵啲婆婆收廢紙，再供畀市場。」
他表示沒強迫那些舊員工一定要供貨給理文，亦非理文旗下公司，但由於理文交貨錢準時，通常都會供貨給理文，「我哋兩日就畀八成錢，從來唔拖數，佢哋都鍾意供畀我！」
李文斌續稱，除借錢給舊員工開檔，亦會將某些運輸外判給舊員工或員工家屬，「通常個老婆嚟紙廠做嘢，個老公都會跟埋去，咁個老公咪做貨車司機，可以自己組個車隊，幫公司運貨。」
他又坦言，很多理文員工亦想加入廢紙回收行列，但若想創業的話，就必須辭去理文的職位，避免衝突。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange