「陳校長免費補習天地」感動咗30幾個留學英國嘅大學生返港助籌款，義助深水埗愛心食肆老闆明哥。噚晚呢班同學仔，搞咗場Mardi Gras（狂歡節），呢場晚宴要向百幾個留學港生同屋企人，簡介吓香港有心人扶貧行動，收益約6萬蚊，扣除成本後捐畀明哥同陳校長。
活動搞手之一嘅連俊傑話，8月頭跟明哥去派飯，先知道深水埗啲露宿者喺丟空嘅唐樓樓下瞓街、原來公公婆婆需要橙、露宿者需要水，各人需要都唔同。班同學仔仲好有心思，創作手繪英式面具，每個68蚊，希望個個都買番屋企，留個紀念，捐錢幫吓手。
另一搞手林子聰就話，希望今年聖誕節再搞場盛大晚宴，幫有需要嘅良心企業籌款。連補充，其實明哥呢類良心小生意，好難學似一啲大慈善團體咁，喺電視請紅人表演籲捐錢，佢哋大學生想做少少嘢，回饋香港。
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24