麥花臣室內場館（九伊）重建5年，今個月24號終於重見天日，當晚7點將會由香振強、張繼聰領軍嘅Nuts籃球隊，火併由三色台藝員組成嘅Hero，上演重開後首場表演賽，定價分別80同100蚊嘅門票，亦已經喺cityline.com發售。為咗見證「籃球聖地」回歸，相信一定會掀起撲飛潮，逼爆九伊。
之但係講到爆，都唔及阿香爆！年屆32歲嘅佢，噚日出席記招嗰陣，自爆來季將會離開效力11年嘅永倫，重返母會福建︰「打咗永倫咁多年，老闆許生（許業榮）、許太都當我係仔，成班隊友都係兄弟，感情猶如一家人，當然唔捨得。但天下無不散之筵席，自己年紀亦唔細，都想珍惜一分一秒落場比賽嘅時間，希望今次重返福建可以有新鮮感之餘，亦可將自己嘅經驗、拼勁帶畀球隊，衝擊冠軍！」
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24