7月頭推介泛海集團（129），股價喺上周四先突破，暫時累升16%，未有耐升夠，揸實望4蚊。泛海喺對上7月，獲大型基金Dalton（資產管理180億銀）增持，最新揸咗泛海10%，呢個份額，唔係嘢少。咁睇，泛海家陣NAV折讓高達86%，集團手頭又有中港澳三地土儲400萬平方呎及歐美財務資產。阿爺呢邊保七，要適度寬鬆房產政策，歐美保經濟亦唔可以太早收手。所以，兩個瓣數，全部都係有潛質嘅資產項目。係咁意計數，泛海每股NAV額外增值20%到16.5元（即係土儲每方呎增值講緊唔夠1千蚊），折讓擴大到88%，吸引到爆。揸實泛海，博見4蚊，到時折讓仍高達75%。
通達落後博爆上
上周一本欄主打冠軍（092），單日曾大升65%，反映科技嘢好吃香。揀落後，買通達（698）。通達手執4G流動設備嘅鐳射直接成型工藝，兼係獨家。隨着祖國4G短期內登場，通達concept夠爆，仲應該肥仔水。加上通達爆晒單，嚟緊20號業績日，應該有盈喜。博通達翻半番到0.71元，預期PE不過8倍多。
錢雋
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24