【加拿大→香港】張栢芝同埋前夫謝霆鋒離婚至今將近兩年，但係佢兩個一直都仲有唔少新聞，好似霆鋒就同周迅傳撻着姊弟戀，至於栢芝就帶埋兩個囝囝Lucas同Quintus喺加拿大溫哥華嗰邊放暑假，早前又有指佢想帶兩個囝囝過加拿大定居，等佢哋將來可以喺嗰邊過返啲平凡生活，唔使好似喺香港咁，成日受到外間注視同追訪，唔知今次係咪過定去踩線鋪路呢？
全程開心笑
不過噚日凌晨有網民喺微博話喺加拿大溫哥華機場見到張栢芝同兩個寶貝仔，同行嘅仲有栢芝細佬張豪龍，栢芝同豪龍一人推一架BB車「服侍」Lucas同Quintus，又喺櫃台辦理登機手續，準備返香港，網民仲上載咗幾張相喺微博。
相信係暑假就嚟完，所以栢芝帶埋兩個囝囝返香港準備開學嘅事。啲相入面見到栢芝不論同網民合照定係抱住囝囝，笑容都好開心，睇嚟佢好滿意今次暑假之旅！
至噚晚約8點半，栢芝細佬張豪龍一個人推住兩大車行李現身香港赤鱲角機場，但未見栢芝同兩個仔，被問到有關霆鋒同周迅嘅緋聞時，佢冇答到就離開咗。
採訪：藍文浩、朱志聰
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！