【本報訊】今年約1.56萬人即使考獲升大學資格，仍名落孫山，部份人循其他途徑升學。他們認為可先讀副學士或高級文憑，再尋求升大學，最佳五科積點18分的周同學稱，八大以外尚有很多院校，「讀完書出來頭幾年啲人會問邊間畢業，但再遲啲佢哋會關心你做緊乜嘢工作」。
港大附屬學院九龍灣分校昨仍有不少不獲派位的學生聯同家長，到來報讀。多名受訪學生和家長也為該自殺的同屆女生感惋惜，家長陳女士慨嘆：「個天會畀條路你行，睇你行唔行箒，我成日都同個女咁講。」
最佳五科19分的方同學（圖）表示，以此成績去年可順利入讀教院的小學數學課程，今年入學成績提高，結果落空，「冇話冇書讀要死」。最佳五科18分的梁同學也高分落空，他報讀港大附屬學院，「人生仲有好多年，讀書唔係一切」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange