DaDa日前突然宣佈退出幕前，原來其經理人施念慈早已察覺她有離心，早前更已物色𡃁模取代她。據悉施念慈看中了向展邦旗下、擁33B上圍的曾淑雅（Jumbo），並曾私下約見Jumbo傾跳槽，可惜條件談不攏，施念慈後來約向展邦洽談解約條件。向展邦昨日受訪時承認施念慈曾提出合作：「佢（施念慈）係約過我，話繼DaDa後冇見過一個咁有潛質嘅新人，仲問可唔可以交畀佢哋做，又或者合作共同係Jumbo經理人，不過公司用咗咁多錢去捧Jumbo同Vivian（羅彩玲），冇可能同其他公司合作啦！所以我推咗佢！」
另一邊廂，《喜愛夜蒲3》原定今早開工，但DaDa退出令拍攝被迫延遲。導演錢國偉昨在電話中說：「睇定啲，唔知佢會唔會突然又回心轉意。」據悉他已作兩手準備，其女友陳宛蔚繼日前在微博狂鬧DaDa不負責任後，昨在電話中說：「好多人都有壓力，唔可以話有情緒病就捱唔到！我哋都有留意中國同台灣嘅女仔，之前劉羽琦喺《夜蒲2》都好突出。」
採訪：葉雪
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24