DaDa突然宣佈退出幕前，成為圈中人熱話，有人覺得DaDa欠缺責任心，亦有人撐她有苦衷。
【撐】
莊思敏：「好surprise！最緊要開心，唔希望呢個係宣傳，係真心。自己係一個尊重合約嘅人，每個藝人都諗過退出，自己瞓醒就冇事。」
盧頌之（DaDa）：「我入行3、4年，休息咗1、2年，因為緊張成日咬手指，仲試過甩底俾公司省鑊勁。我支持佢（陳靜）退出，我就全面復出，大家都叫DaDa。」
何浩文（Dominic）：「我聽朋友講，佢（DaDa）病態幾嚴重，《夜蒲3》記者會見過佢，佢係比以前笑少咗。我有搵佢，但佢冇開電話。」
傅嘉莉：「唔同階段面對唔同壓力，我都會喊，嗰件事（借吳卓羲緋聞博上位）都有喊，之前已經解釋咗係誤會。」
連詩雅：「拍《喜愛夜蒲》識，見面會傾偈。最初以為黑客入侵，我都試過成日喺屋企無端端喊。我覺得佢份人好樂天，咁大轉變應該有苦衷。」
【藐】
黃榕：「好可惜，不過應該先完成所有工作，要有責任感。」
王璐瑤（LuLu）：「我都試過情緒好低落，但都唔會做嘢甩底。」
羅彩玲（Vivian）：「話晒佢攞過金像獎、好成功，係我嘅學習對象。可能佢有好大壓力，病都唔想嘅，希望佢出嚟澄清。」
趙哲妤（Uny）：「希望佢情緒好少少會繼續演戲。如果為情就唔值得，個個都分過手，我就唔會咁做。 」
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24