擁有近乎完美身形的張家輝，胸肌、腹肌和三頭肌等擠壓着身軀的照片曝光後，隨即引來全城哄動。家輝為電影《激戰》中的拳手角色，練得一身肌肉，別人眼中看來，家輝是求喝采，實際上他享受着追夢過程，越過一個個的難關，跟戲中角色一樣，要讓自己生命中留點值得回憶的事情，戲裏戲外都勉勵大家堅毅向前，為自己創造不一樣的生命歷程。
撰文：張俊銘
《激戰》上映日期：8月15日
為了演出林超賢執導的勵志電影《激戰》，張家輝花了一整年鍛煉健碩身形，每日過全職運動員生活來訓練，早睡、飲食管制、每日操練三至四小時，做帶氧運動及舉重，一直維持至拍攝完成。「天將降大任於斯人也，必先勞其筋骨」，可是該片開拍個多星期，家輝已被踢斷手指，他日前說：「啱啱至開拍，之後仲有大堆訓練、打拳同打鬥戲份，點樣行落去？當時自己如火如荼經營肌肉，因為少做啲線條蒙啲，勤力做線條又會出啲，一兩日都唔容許自己停，好憂心，一停就前功盡廢，惟有食住止痛藥，我操練時係舉自己兩倍身體重量，後期食止痛藥已冇效，醫生要開嗎啡畀我止痛。」
刻苦訓練起正能量
家輝透露傷勢多少影響拍攝動作場面，甫觸碰到受傷手指也痛得入心，他說：「痛到個人好驚，都冇辦法，如果採取唔積極態度，又影響自己演出質素，既然自己付出咗，更加唔可以馬虎完成，自己keep住個鬥志。」他表示今次踢斷手指，並沒責怪任何人，甚至也沒怪責踢斷他手指的人，因為他深明這是意外，反而今次經歷，無論是踢斷手指還是鍛煉過程，都正好配合《激戰》的勵志意義。
家輝的肌肉照曝光後，全城哄動，但他自言感覺不大：「我做呢個身體出嚟，唔係為咗令人震驚，但張家輝竟然由一個瘦底，都可以變成咁，個個叫我『勵志哥』，恒心、毅力好強，大家都可以做得到，喚醒大家有正面能量，鼓勵作用，無形中自己好似為社會貢獻咗少少嘢，大家去討論勵志嘅事，反而呢點令我覺得開心，多過人哋譁然我嘅身軀。」家輝承認今次任務是歷來最艱巨，但他的處事態度是一不做二不休，若然決定做，便要盡最大努力，對自己有交代。
箇中辛酸沒人明白
拍攝《激戰》的事前準備及當中辛苦，家輝坦言無論他怎樣講，都沒有人能明白箇中的苦，只有他才知道有多難過。電影拍檔彭于晏跟家輝一樣飾演拳手，同樣要鍛煉身體，家輝說：「同Eddie（彭于晏）一齊鍛煉，互相支持、互相體諒同鼓勵，起碼辛苦路上得到對方支持，如果戲裏面得自己一個做，會好孤獨，好辛苦，冇人明白，人哋唔會有切膚之痛同了解，但Eddie會知。拍攝難處、飲食嘅痛苦、付出嘅艱辛，唔係想同人講，講亦冇意義，人哋幫唔到，而且每個人有自己嘅職責。」
髮型：JEFF強仔
化妝：Midco Chu
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24