【劉家良病逝之心情平復】昨日是一代宗師劉家良離世四十九日，其遺孀翁靜晶特別為亡夫到大埔凌雲寺誦經，除翁靜晶外，還有師傅兩名女兒、徒弟冼國林、徒孫陳嘉桓、親友及一班翁靜晶facebook網友等過百人，而翁靜晶之前希望尾七能出席的曾志偉最終亦缺席，她則facebook留言：「曾志偉始終沒有來，這個賭，我輸了給劉師傅！」誦經個多小時後進行上位儀式，稍後師傅的骨灰會移到寶福山安奉，而劉家亦有靈位。儀式完畢後，翁靜晶特設齋宴招待親友，其中一道齋菜更由她親自烹製。
攞錶情緒失控
翁靜晶表示在師傅尾七為他誦經是好事，感謝親友支持，並自爆前日失禮於人前，她說：「噚日去錶行攞番師傅生前攞去整嘅錶，係我送畀佢嘅生日禮物，去到錶行職員教唔好咁大力用，我話冇關係，戴錶嘅人都唔喺度，有啲失控情緒，搞到人哋唔好意思，我要再學吓控制情緒。」
談到早前公開為師傅向邵氏追討舊的花紅欠債作慈善用途，翁靜晶說：「無綫有個員工同我講，回覆得三個字，冇得畀，但佢嘅回覆始終未必代表邵老闆嘅意思，至今係呢位僱員講，有冇代表性都未必，我會等下方（逸華）小姐……應該係邵爵士夫人嘅答案。」有否進一步行動？她說：「我會打畀佢（方逸華），之前一直冇打，諗住佢打畀我，如果佢唔方便咪我打囉，應該嘅，佢係長輩。呢個係善緣，希望邵生同邵太做到呢個功德，呢個世界冇話邊個欠邊個。
此外，陳嘉桓亦有上香誦經，她表示趁師公尾七盡點心意，亦喜見翁靜晶心情平復，而冼國林亦表示望邵氏藉此捐錢當作演藝界一個回饋：「邵氏拍戲起家，應該取之社會，用之社會，師傅對電影、武術都有貢獻，唔好誤會係追舊債。」
採訪：張俊銘
攝影：陳俊強
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24