（哀）今季由山度士加盟巴塞嘅超新星尼馬（右），之前被驗出患有貧血；巴塞方面即刻搵人為佢制定咗特別食譜，希望尼馬可以成功增磅。不過，前山度士教練拿美奴就唔認同巴塞嘅做法，仲話咁樣只會令尼馬膝蓋受傷：「如果尼馬增磅，就會奪走佢嘅速度，嚴重嘅仲可能會令佢膝蓋受傷，就好似前巴西國腳朗拿度所遭遇嘅一樣，咁做會好危險。」另外，巴塞日前已經到咗大馬，周五亦有操練，準備今晚對馬來西亞明星隊嘅友賽，巴塞教練馬天奴就期望尼馬同美斯可以藉住熱身賽培養出更好默契。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange