要替一間屋扮靚，牆壁設計當然不能忽略，其實要為一幅牆扮靚，空間遠比想像中大，可以無窮幻變，只要花點心思，隨時可以製造驚喜。牆壁扮靚可以有多種玩法，除了最基本的貼牆紙或牆貼外，還可以製造配合燈光效果的特色牆，又或用一整幅牆鋪設特別圖案的床背板，甚至用一個「隱形」櫃裝飾牆身。如果你是「花心」的人，一間屋可以足夠你使盡渾身解數。
記者：陳阮素
攝影：梁志永 黃耀興 馬泉崇
為牆壁扮靚靚，要先清楚牆壁的位置。像這個套房向走廊的位置，只要開門入屋就會見到牆身，可說是全屋焦點，值得用心設計。這幅牆用了反轉的巴黎鐵塔剪影圖案，做了一幅有立體感的特色牆，由於加了滲光效果，增加層次感之餘，亦可以令效果更突出，由大門望進去，一眼就望見，令全屋生色不少。除了在客飯廳鋪設特色牆的大路構思之外，在套房局部位置「建牆」，一樣可以贏盡掌聲。
有否想過，一個入牆櫃，一樣可令平凡牆壁變靚，條件之一，就要做到「唔似櫃」。像這個櫃頂連接天花的白色大櫃，似特色牆更多一點。
入牆櫃變特色牆
櫃面有多個圓洞，用仿紗布條，以類似綁鞋帶方式穿過櫃面綑綁起來，就可變出不同圖案。若換上另一種布條，轉另一種綁帶手法，又可變出新畫面。
除了特色牆之外，大面積的床背板也可美化牆身，如在睡房床頭位置的一整幅牆身，鋪砌由藍、白、灰和湖水綠三角形組成的床背板，即可化身特色牆角色。
貼牆紙是粉飾牆壁的大路方式，如這間屋以自然及黑白灰做主調，所以客廳牆身選用了灰色樹木圖案的牆紙，牆紙亦由客廳牆壁延伸至玄關位置，引發大自然氣息。至於用來聽音樂及彈豎琴的音樂房，則貼上地中海小屋圖案的牆紙，令房內滿載異國風情。
設計單位：大圍名城3期
設計師：Xavier Wong
設計及裝修：Xan Interiors Limited（9195 3331）
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange