【中環→上環】曾拍三級片《血戀》打真軍嘅李華月，離開娛樂圈後好少蒲頭，前日下晝5點幾，李華月單拖現身中環街頭，57歲嘅佢染咗highlight金髮，着豹紋背心襯牛仔褲，雖然打扮青春但個樣明顯有老態，當時佢左右膊頭各孭一個手袋，急步由中環行去上環。
李華月行到蘇杭街後，上咗一棟商業大廈，逗留咗個半鐘後變身走人，佢紮起一頭長髮，換咗條灰色短褲，右腳着咗護踭，打扮認真騎呢。李華月再次急步行返中環方向，途經快餐店時入去買奶昔，等待期間行去店外煲煙，嘆完後就入返去慢慢等。
不停搔首弄姿
咁啱有兩個恤衫男坐喺店門口，李華月就不停喺店內撥頭髮搔首弄姿，可惜踏入老年嘅佢已失去魅力，恤衫男望兩眼就走人，冇癮嘅李華月買完奶昔後邊行邊飲，飲完後再煲多支煙，健步如飛咁行去老蘭方向，最後上咗一棟商業大廈。
採訪、攝影：彭琮然
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24