DaDa突然宣佈退出幕前，原本昨日要出席的活動固然甩底，其經理人施念慈找來𡃁模鍾采羲（Iris）及郭穎兒（Celia K.）頂替，一班師妹及圈中人就事件表態。
Iris：
「我喺外地返嚟，唔知乜嘢事。我都好慘，失戀好唔開心，有工作唔介意頂替。」
Celia K.：
「都擔心佢，大家識咗好多年，噚日（前日）傳過訊息畀佢，佢覆番話『no worry』。相信佢可以處理同有苦衷。」
陳宛蔚：
「這是甚麼工作態度？一句話有工作壓力，就不用對別人負責任吧？沒承擔的人做不了大事，做回平凡人較合適！」
雨僑：
「相處唔覺佢有問題，佢冇架子，唔似報道話恰師妹。希望佢只係暫時唔開心，散吓心再開工。」
「綠魔」Karl：
「好可惜，好多𡃁模出完寫真都冇人知，佢又有戲拍，希望唔好嘥！」
採訪：胡比
攝影：仇志德
【網中吟】高登仔有撐有藐
DaDa今年憑《低俗喜劇》奪得香港電影金像獎最佳女配角，致辭答謝電影公司Golden Scene時說成港式英語「高登先」，令一班高登巴打眉飛色舞，以為DaDa在答謝自己。也因為這句「多謝高登先」，她的退出令一眾高登巴絲大為失望。
超長頸鹿
由賣肉走到電影圈唔係易事，但幾努力都好，佢都冇可能去到舒淇嗰個層次。
冬甩仔
事業開始有起色先嚟退出……
唐溫蒂BB
過多個幾兩星期就會出返嚟，話估唔到咁多人支持佢，畀動力佢出返嚟，最終只係炒作新聞。
資料來源：高登討論區
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24