【隨時換畫】
在網上或者到牆紙專門店選好一幅牆貼後，若要找師傅上門貼，視乎牆貼大小，收費動輒要1,000至2,000元。想慳錢又或者嫌安排師傅上門麻煩，大可自己DIY。
備間尺專用刮及𠝹刀
巨人廣告工程部主管王大山指出，只需預備間尺、專用刮和𠝹刀。先清潔牆身，然後將牆貼放上牆、度好張貼的位置後，可以慢慢撕起牆貼的底紙，一邊貼，一邊用專用刮去刮平牆貼，避免貼好後會內藏氣泡。最後，利用間尺配合，用𠝹刀𠝹走牆貼周邊多餘的部份，整個步驟就完成。
牆貼的好處，是可以隨時更換款式，尤其適合貪新鮮的人。市面牆貼款式五花八門，有3D效果的豹紋、有暗花的斑馬紋及美式漫畫等，還有一種是仿戶外磚牆或紙皮石的產品，其中扮紙皮石的牆貼，是廚房和浴室的「寵兒」。香港牆紙中心店員稱，廳房合用的豹紋，是近期熱門之選。
牆貼容易保養，亦是受歡迎的一大原因。由於牆貼一般採用膠質物料，有防水防潮功能，通常可使用多年。如果沾上塵埃，可用布沾水抹走。
資料來源：巨人廣告（2412 2086）
香港牆紙中心（2396 4910）
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange