反佔中的「幫港出聲」成員何濼生三番四次重申，憂慮佔中會令香港的守法精神「返唔到轉頭」，但佔中發起人戴耀廷反駁有關說法，強調法治不只是要守法，參與佔中的人正是透過自願承擔法律責任，去喚醒其他人對普選反思，與一般違法行為不同。行政會議成員陳智思亦指，現階段他個人並不反對佔中。
何濼生昨接受電台訪問，揚言他覺得普選特首門檻越低越好，甚至「公民提名都冇問題」，但隨即「現形」指特首候選人應認同及尊重一國兩制、不衝擊內地制度的前設，又批評以佔中會影響香港法治根基，「只要有好多人認為公義喺我呢邊就可以違法，我覺得係好危險」。
戴耀廷：唔好將法治等同守法
出席同一訪問的戴耀廷即時反駁何：「唔好將法治等同守法。」戴解釋守法固然是法治精神的重要元素，但某情況下不守法是推動制度向前時所不能不付出的代價，反問如今是否還有有效地爭取普選的渠道。
何仍死撐佔中或會有百分之一機會出事，為何不改為爭取100萬名市民簽名？另一位受訪的佔中發起人陳健民即回應稱，任何大型公眾活動以至慶祝活動都有百分之一機會出事，作為佔中發起人當然會極力避免，只是香港過往已經試過不同方式爭取民主，今次政改再失敗的話，香港將墮入深淵，故非常時期才用非常手段：「講來講去，最能夠避免咗呢次（佔中）發生，就係好似何教授咁樣支持民主嘅人盡快向特區政府同埋中央爭取真普選。」
行會成員陳智思於港台《星期五主場》訪問中表示，如果佔中目的只是意識形態上鼓勵市民爭取普選，他也會支持，但若果目的是搗亂中環和犯法就不支持，但他相信佔中發起人的原意不是要搗亂。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange