關淑怡（Shirley）近年再度活躍歌壇，每次出席公開場合，總被問及她兒子的近況，Shirley日前登上時裝美容雜誌《add》封面，暢談她的單親cool mom經。Shirley兒子關浚賢已11歲，她表示已開始學懂放下、學會獨處，她說：「兒子大咗，已經比以前少咗attention，講真，做父母都會明白仔女唔會永遠喺你身邊，小朋友都有自己嘅世界，當你有自己嘅空間時，應該好好享受自己嘅時間，學會獨處。」
「每人都有底線」
Shirley身兼父職沒有太大壓力，她說：「好多事唔使刻意去講、去解釋，唔表態唔代表要接受，歌手係我嘅工作，亦有自己嘅私生活，只係我喺show business，唔係我家人，每個人都有底線，小朋友有自己嘅生活，有時見到傳媒追訪佢，我都會想盡母親嘅責任保護佢。我係公眾人物，所以帶嚟前所未有嘅壓力，I'm just a small potato，我嘅事唔會影響世界，我想同普通人一樣過生活，工作同生活我分得好開。」
對於多年來傳媒關心Shirley兒子的親父身份，Shirley委屈地說：「由我06年返嚟，每次見到我就問『你囝囝點？』咁我呢？我未死㗎！點解唔問我呢？佢只係得11歲，係一個關鍵時期，好簡單，我係一個媽咪，天下冇父母唔錫自己孩子，我希望有呢種福份去錫我個仔，但唔想56歲仲問我個仔點。」（詳細內容請參閱第十五期《add》）
撰文：唐如
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24