彭浩翔跟杜汶澤認為廣東話香港電影有重生的一日，除了本土支持外，廣東省居民也起到很大作用。阿澤指廣東市民很多跟香港人同氣連枝，因為「廣州人係睇ＴＶＢ大，佢同我哋好近」，有時一竹篙未必要打全船人。席間肥佬黎提出山寨論，認為是唯一可以跟荷李活爭長短的利器，靠山寨出品起家的彭浩翔和阿澤當然最同意不過。《亂噏24》逢周四晚上11時播出，錯過了也可到http://bit.ly/appletalk24重溫。
撰文：何永寧、Sidekick
周星馳真性情？
這些年來，好些跟周星馳合作過的導演和演員不約而同爆出他種種惡頂之處，不過肥佬黎在商言商，卻為周星馳說項，他說：「好多人對佢好有意見，會唔會喺娛樂圈，本來都唔係好真嘅行業，呢條友以真性情，話一就一，二就二，唔會呃你，所以好多人受唔到？」阿澤對此的回應，你覺得是否又好有真性情？他說：「我引用蔡san嗰句，得咪有辦法囉，唔得咪衰X格囉！佢得吖嘛！同埋佢唔係第一次，佢一而再再而三咁，你知㗎嘛，願者上釣箒！又唔見我哋兩個同佢合作過？」一講完，阿澤就爆出一句：「啲糖水幾靚喎！」扮作轉移話題，好，那就轉講山寨吧！
教完王家衛如何拍片，肥佬黎再發揮電影商業化的理論，覺得山寨出品有可為，他說：「我覺得山寨有樣嘢好，係山寨嗰個精神。即係香港人如果要拍戲，你唔可以話因為我有六層高嘅片廠，或者𠵱家有好多新器材，突然間我拍戲嗰種精神都變咗。我覺得你可以用山寨嗰種精神嚟拍戲。」對於這種構想，拍山寨出品起家的阿澤再同意不過，他說：「山寨有可能好差，又有可能好好，Why not？蝕X晒咪又係幾百萬箒。蝕得死你咩！我覺得呢個係香港唯一嘅優點嚟，因為就算你有制度，你資本都冇可能同荷李活相比。咁點解唔做山寨？」同時肥佬黎再發揮門外漢威力，覺得科技降低拍攝成本的同時，也預見廣東話港片有重生一日，肥佬黎說：「廣州都好大個市場。」
票房靠廣東同胞
這番話即時令阿澤和彭浩翔像着了魔一樣，阿澤說：「其實廣州人好近我哋，譬如我哋喺網上講句嘢，好多網民話你香港人巴閉啲咩？好多（廣東）人就會出嚟幫，你啲撈佬走開啦，亂咁吠！廣州人係睇ＴＶＢ大，佢同我哋好近。」彭浩翔更直言《低俗喜劇》跟《飛虎出征》票房，很多都是靠廣東省的自由行同胞，因為喜劇能產生共鳴，阿澤補充說：「所以要喜劇，因為係集體娛樂。點解啲人要搭車落嚟睇呢？佢感受到戲院個氣氛吖嘛，一齊笑吖嘛，佢覺得過癮過匿埋喺屋企屎坑揸住個laptop。」
彭浩翔認為喜劇建構在本土文化上，他說：「如果你個culture離開得太遠，好多時候冇辦法明白，喜劇反而唔可以去到好遠嘅地方。」阿澤也同意，還考肥佬黎：「你知小沈陽係邊個？」當肥佬黎表示不知道，阿澤即興奮說：「嗱就係囉，小沈陽係中國最紅嘅喜劇演員，喺東北，佢喺瀋陽做二人轉，即係嗰啲talk show。趙本山揼本，一年收十幾億，佢電視劇、電影好紅。但南方，冇人明佢講乜。掉番轉頭，你去東北問，邊個係杜汶澤，冇人知。」不過蔡瀾提出翻版仍然是電影界毒瘤，他一錘定音：「如果冇翻版，個個去戲院睇戲嘅話，佢哋會賺好多錢。要電影有救，就要杜絕翻版。」
說過想演黑社會的肥佬黎，又提出他的黑社會理論，他說：「翻版network係黑社會network，嗰啲𡃁仔你唔好以為見到差人嚟砰砰碰碰走，你覺得嗰個係好細嘅組織，嗰個其實係好結實好強大嘅組織嚟。」其間彭浩翔自爆當年拍了一部電影，有黑社會找上門要買拷貝來出碟，他說：「話你賣畀我啦！佢開咗條數，which is係幾十萬咁。但我覺得點解為咗幾十萬，我將呢樣嘢畀你呢？佢話你唔畀我，過兩個禮拜都有，咁我覺得，你不如過兩個禮拜先，我寧願呢兩個禮拜冇。」
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24