十幾名本港知名漫畫家噚日率先「佔中」,齊集中環贊善里宣佈成立「漫畫刁民」組織,並舉行「漫人迷普選」展覽,包括發起人尊子、網民熟悉嘅Cuson同龍虎門主筆張萬有等。張萬有早前參加咗佔中首次商討日,覺得中央就普選一拖再拖,和平佔中係冇辦法中嘅辦法。
佔中發起人戴耀廷同陳健民,同埋社運女神周澄噚日都有去撐場。尊子話十分歡迎學校聯絡漫畫刁民,了解唔同畫家對普選嘅睇法。聽日下晝5點,佢會同馬龍等漫畫家,去油麻地活化廳出席講座,到時仲有一啲新展品展出,呼籲各方人士多多捧場。
有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange