唔賺人仔好抵死
由老翻又政治不正確拉扯到國民水準上，首先蔡瀾提出，為何美國的老翻事業不像內地興旺，肥佬黎搶答：「美國人民水準高啲啦第一，第二冇咁多貪污，第三係管制冇咁大。」阿澤進一步深化，認為是觀念問題：「我睇好多網民，你部戲就嚟上啦，我download你部戲支持你先。佢哋唔覺得呢個係錯嘅嘢，呢個咪中國囉。喺個網度佢哋話你真係三分顏色上大紅呀杜汶澤，我畀面先download你部戲睇，唔畀面download都費事。」彭導補充：「佢哋仲反問『唔通我哋窮人就冇睇戲嘅權利咩？』我話，咁你結唔到婚咪好大件事？唔通我哋冇發洩性慾嘅權利呀？咁你捉啲人去強姦！」二人非常火滾！
少看電影的肥佬黎問：「有冇人攞以前舊嘅片，好紅嘅，重新攞番佢最基本嘅戲路重寫，有冇人會做呢啲嘢？」阿澤搶答：「王晶拍咗四百幾部！」喪笑後再語重心長道：「大家都係大人，唔使咁花巧。嗰啲係人民幣，唔賺好抵死嘅。過到咪拍囉，過唔到咪返嚟拍囉，驚乜箒？食得落咪食囉，有啲人屎都識，有啲人食得落就食，唔食得咪走。」
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24