【中環歌賦街】《超級巨聲》出身嘅孖生兄弟周志文前排同無綫藝員黎國輝（阿感），去台灣屏東墾丁出火風景區玩嘅時候，喺公園禁區裏面俾人影到佢哋放煙花同燒爆谷，不過事後有關當局好似冇追究。大前日下晝5點，周志文同周志康兩兄弟一齊出動，去咗中環行街買嘢，志文着住花衫、孭住大袋，好似好多嘢要攞，志康只係兩手揈揈。兩兄弟之後去咗歌賦街九記排隊食麵，一坐低兩兄弟極速叫嘢，跟住極速食完埋單走人，好似好趕咁。
採訪、攝影：楊浩賢、徐錦池
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！