周星馳電影《少林足球》中扮演「六師弟」嘅林子聰，近年主力喺內地拍戲，佢日前喺橫店拍新戲《新活佛濟公》時，體重有264磅嘅佢因為頂唔住當地45度高溫，結果懷疑中暑暈咗，劇組要出動四個人合力先可以抬到佢上車去醫院。原來林子聰之前出現過似係心肌梗塞嘅先兆，新婚嘅老婆仲陪佢返香港睇醫生，雖然醫生話佢未到心肌梗塞，但血管有多處阻塞，必要時要做手術。林子聰話啲朋友都勸佢減肥，但佢擔心瘦咗冇戲拍。
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！