《低俗喜劇》係悲劇
對於彭浩翔和杜汶澤這個「低俗二人組」，肥佬黎不其然道：「你喺香港拍電影，拎個心出嚟拍，要幾成熟先得。」二人聽罷即不斷搖頭表示反對，彭導插嘴：「唔係，黎生，我話畀你聽，我哋要冇咁成熟先得。如果我再成熟啲，我就會諗起去賺十幾億呀，炒樓呀。」
阿澤就簡直黑面：「如果閣下你頭先番說話，我哋兩個老婆喺隔籬呢，就會話：『聽吓人點講啦！』我哋兩個就係低能仔嚟，你睇我哋兩個人個樣就弱智啦。如果稍為醒目啲，𠵱家我大佬揸緊Toyota咋，仲住喺元朗呀你知道嘛？」肥佬黎：「但你好過癮喎，好多揸法拉利、勞斯萊斯冇你咁過癮。」彭導說：「咁揸緊嗰架車嗰個人就唔係咁諗喇！」阿澤也道：「呢個就係牙擦嘅本錢嚟。」
「抑鬱得好犀利」
蔡瀾睇通睇透：「你咁牙擦就係因為成功咗囉，一兩年前就唔係咁講。我一向都話，試，成功機會就五十五十，唔試，成功機會係零。睇到靚女行過，你同佢講嘢，最少佢會同你飲杯茶，或者媾到上床都唔定。冇嘅話，你畀佢走咗就走咗。我睇咗《低俗喜劇》，你係用一個粗口嚟做主題發揮成套戲，好似單薄咗。呢條路係啱，但可以多啲。唔係一個主題。」阿澤認同說：「蔡san你講得啱，所以《飛虎出征》唔係淨係一個主題，又有兄弟情。」蔡瀾點頭道：「我睇到你哋進步緊，嗰部唔係喜劇嚟，抑鬱得好犀利。」
阿澤：「喂，被迫同動物發生性行為，仲唔係悲劇？」彭導不其然回首當初：「其實係因為受到壓抑，所以發狂，所以喺十二日入面係咁拍啲嘢出嚟，完全冇劇本，一路想拍乜嘢就乜嘢。」
知道了二人的心路歷程後，不知大家會否有興趣重看一次《低俗喜劇》呢？
講電影變講國情，阿澤彭導最後一星期做嘉賓，
未睇？即上《亂噏24》重溫！
http://bit.ly/appletalk24